Sólin hefur töluverð áhrif á akstursskilyrði

Sem betur fer er sólin hækkandi á lofti en á þessum árstíma þá skín hún líka beint í augun á okkur við akstur og það getur haft áhrif á akstursskilyrði og umferðaröryggi. 

Tryggingarfyrirtækið Sjóvá minnir fólk á að tjón og slys hafa orðið í umferðinni við það að ökumenn hafa blindast vegna sólarinnar.  

Til þess að minnka líkurnar á því að blindast vegna sólar þurfa bílrúður að vera hreinar bæði að inna og utan. 

Fylltu reglulega á rúðuvökvann og vertu viss um að þurrkublöðin séu góð og virki vel.  Hreinsa þarf hliðarspegla bílsins og mikilvægt er að hafa ávallt nægt bil á milli bíla. Gott er að hafa sólgleraugun til taks, hækkaðu sætið og settu niður sólskyggnið.

Hvað getur þú gert?

Hafðu allar rúður bílsins hreinar bæði að innan og utan.

Fylltu reglulega á rúðuvökvann.

Góð þurrkublöð á bílnum eru nauðsynleg.

Góð sólgleraugu er kostur.

Notaðu sólskyggnið í bílnum.

Hafðu ávallt nægt bil á milli bíla.