Flutt á sjúkrahús á Akureyri vegna gruns um reykeitrun

Ung kona var flutt á sjúkrahúsið á Akureyri í gærkvöldi vegna gruns um reykeitrun, eftir að eldur kviknaði í olíu á pönnu heima hjá henni í fjölbýlishúsi á Akureyri.

Nágranni kom til hjálpar og tók þrjú börn hennar inn til sín, en konan reyndi ítrekað að slökkva eldinn, án árangurs. Slökkviliðið slökkti hann á svipstundu en þá hafði reykur borist um alla íbúðina og hafði konan andað að sér reyk. Hún var þó ekki talin í hættu.

Litlar sem engar skemmdir urðu af eldinum, en að líkindum þarf að þrífa alla íbúðina vegna sóts.