Almannavarnir vara við roki syðst á landinu

Almannavarnadeild Ríkislögreglustjóra varar við stormi, eða jafnvel roki syðst á landinu í dag, þannig að jafnaðarvindur fari allt upp í 28 metra á sekúndu og yfir 40 metra undir Eyjafjöllum og í Öræfum í hviðum síðdegis.

Þessu getur fylgt slydda eða snjókoma. Um sex leytið í morgun var þegar farið að hvessa á þessum slóðum og mældist vindur um 19 metrar á sekúndu á Vatnsskarðshólum og jafnaðarvindur var kominn vel yfir 26 metra á sekúndu á Stórhöfða í Vestmannaeyjum.

Auk þessa er spáð yfir 30 metra vindi á sekúndu á Suðvesturmiðum.