Finna enga loðnu

Engin loðna finnst enn norðaustur af landinu, en hún hvarf fyrir fimm dögum. Nokkur íslensk skip eru að leita fyrir sér og fimm norsk skip, en ekkert finnst.

Hafrannsóknaskipið Árni Friðriksson, sem var við loðnuleit, er hætt leitinni í bili og komið til Akureyrar og nokkur íslensk loðnuskip eru í höfnum norðaustanlands og bíða áhafnirnar nánari fregna af miðunum.

Aðeins er búið að gefa út 80 þúsund tonna byrjunarkvóta, og verður ekki bætt við hann nema að Hafrannsóknastofnun finni nægilegt magn til að réttlæta það.