Of mikið magnesíum veldur niðurgangi

Mikið magnesíumæði hefur gripið landann á nýju ári og virðist almenningur vera nota efnið til að hreinsa líkamann og jafnvel til að léttast.

Í frétt á vefsíðu embættis landlæknis er farið vel yfir það hvað magnesíum gerir fyrir líkamann og hvaða áhrif ofneysla af efninu getur valdið.

Magnesíum hefur hlutverki að gegna í fjölda lífefna- og lífeðlisfræðilegum ferlum í líkamanum. Tekur t.d. þátt í myndun beina, byggingu próteina, virkjun ensíma, stýringu blóðþrýstings, myndun DNA, RNA, orkumyndun og fleira.

Hve mikið magnesíum þurfum við?

Ráðlagður dagskammtur fyrir magnesíum er:

Konur:  280 milligrömm

Karlar: 350 milligrömm

Börn 2-5 ára: 120 milligrömm

Börn 6-9 ára: 200 milligrömm

Börn 10-13 ára: 200 milligrömm

Hver er neyslan hér á landi?

Samkvæmt niðurstöðum landskönnunar á mataræði 2010-2011 þá fá flestir aldurshópar nálægt ráðlögðum dagskammti af magnesíum úr fæðunni einni saman. Íslendingar fá magnesíum aðallega úr kornvörum, ávaxtasöfum, mjólkurvörum, kjöti, ávöxtum og grænmeti.

Hvernig fullnægi ég þörfinni fyrir magnesíum?

Magnesíumþörfinni er auðvelt að fullnægja með því að borða fjölbreytt fæði, þ.e. án þessa að taka það inn á formi fæðubótarefna. Það er mun æskilegra að fá næringarefnin úr fæðunni, það er úr sínu náttúrlega umhverfi, en að taka það inn sem fæðubótarefni en þá eykst hættan á röskun jafnvægis á milli næringarefna.

Hvað getur gerst við of mikla neyslu?

Of mikil neysla magnesíum getur leitt til niðurgangs, en ekki hafa komið fram önnur neikvæð áhrif starfi nýrun eðlilega.