Nokkur sæti laus á sunnudag - kitlaðu hláturtaugarnar

Nú hefur leiksýningin og matarboðið Faulty Towers verið sýnd tvisvar sinnum í Iðnó fyrir fullu húsi.  Sýningin, sem fram fer á ensku, hefur heldur betur slegið í gegn hér á landi.  Um er að ræða margrómaða verðlaunaleiksýningu sem hefur farið sigurför um allan heim sem byggir á hinum frábæru sjónvarpsþáttum Faulty Towers. 

,,Það er uppselt í kvöld, laugardag, en enn eru til einhverjir miðar á morgun, sunnudag," segir Guðbjartur Finnbjörnsson sem stendur að sýningunni.

Hvernig fer þetta fram? ,,Þú kemur í mat í leikhússal Iðnó og færð frábæran þriggja rétta málsverð ásamt því að kitla hláturtaugarnar allsvakalega en á meðan á borðhaldi stendur mun hinn stórskrýtni Basil, ásamt konu sinni, Sybil og þjóninum frá Barcelona, Manuel þjóna gestum á sinn einstaka hátt," segir Guðbjartur.

Sýningin á Midi.is.