Nýtt aðalskipulag fyrir "lífvænlegri“ byggð

„Þetta er gríðarlega stór áfangi í skipulagssögu Reykjavíkur og viðsnúningur á vissum hugsunarhætti,“ segir Páll Hjaltason, formaður skipulagsráðs um nýja aðalskipulagið.

„Það er hætt að þenja borgina upp til heiða og ákveðið að þetta hana og búa til mannlegri og lífvænlegri borg sem nýtir betur kerfi eins og skólakerfi og gatnakerfi. Númer er eitt er að gefa íbúum færi á að búa nálægt vinnustað. Það eru mestu gæði sem við getum gefið nútíma íbúanum,“ segir Páll.

„Skipulagið lýsir þröngsýnum viðhorfum þar sem val um búsetuform er takmarkað og fjölbreytileiki borgarinnar er kæfður niður. Flestum borgarbúum er ætlað að búa eins á þéttingarreitum í vesturborginni. Verði skipulagið samþykkt munu ungar fjölskyldur í ríkara mæli leita til annarra sveitarfélaga á höfuðborgarsvæðinu,“ bókuðu sjálfstæðismenn meðal annars. Þeir greiddu atkvæði gegn tillögunni og lögðu fram nokkrar breytingartillögur sem voru felldar.

Aðalskipulagið verður rætt á aukafundi í borgarstjórn á þriðjudag.