Fær að vita í mars hvort hún sé með banvænan sjúkdóm

Þær eru frænkur, 26 og 17 ára og hafa misst mæður sínar úr sama sjúkdómnum en helmingslíkur eru á að þeir sem fæðast í þeirra fjölskyldu deyi vegna heilablæðingar fyrir 35 ára aldur.

María Ósk Kjartansdóttir hefur þegar verið greind með sjúkdóminn og fengið fimm heilablóðföll en Kolfinna Björk Guðmundsdóttir fær niðurstöðu sína í mars á næsta ári þegar hún verður orðin átján ára.

Engin lækning er við sjúkdómnum í dag en þær frænkur eru vongóðar um að hún finnist. Þessar huguðu konur verða viðmælendur í Íslandi í dag í kvöld klukkan 18:55.