Páfagaukahvíslari í Kópavogi

Páfagaukahvíslari rekur gæludýrabúð í Kópavogi, en með sérstakri tækni gerir hann fuglana gæfa. Hátt í tuttugu fuglar koma til hans í meðferð í hverri viku.

Tjörvi Einarsson hefur starfrækt gæludýrabúðina Furðufugla og fylgifiska í bílskúrnum hjá sér í tólf ár. Þar eru hátt í þrjú þúsund lífverutegundir. Hann hefur sérstaka ástríðu fyrir páfagaukum og segja má  að páfagaukahvísl sé hans sérgrein.

Tjörvi segir mikilvægt að páfagaukarnir séu vel snyrtir á goggi og klóm, þannig sé best að eiga við þá. Þá er mikilvægt að klippa fjaðrirnar reglulega. Tjörvi stríkur svo fuglunum og hvíslar ýmsum orðum að þeim. Þegar þessari meðferð er lokið róast fuglarnir og verða gæfari.

Í gæludýrabúðinni eru margir páfagaukar af hinum ýmsu tegundum, en nokkrir þeirra hafa birst í kvikmyndum, auglýsingum og tónlistarmyndböndum.