Hæstiréttur staðfestir fangelsisdóm yfir Eyþóri

Hæstiréttur hefur staðfest fjögurra og hálfs árs fangelsisdóm Héraðsdóms Reykjavíkur yfir Eyþóri Kolbeini Kristbjörnssyni frá því í sumar.

Eyþór var fundinn sekur um kynferðisbrot gegn tólf ungum stúlkum en yngsta fórnarlambið var aðeins tólf ára.

Eyþóri er gert að greiða stúlkunum samtals rúmlega fimm milljónir króna í miskabætur.

Eyþór Kolbeinn Kristbjörnsson var sakfelldur í Héraðsdómi Reykjavíkur í sumar fyrir að hafa tekið myndir og viðhaft kynferðislegt athæfi gagnvart nokkrum stúlkum á barnsaldri. Eyþór nauðgaði einni stúlknanna sem þá var 15 ára gömul.

Eyþór gengur oft á tíðum undir nafninu áhugaljósmyndarinn en hann mun hafa sett sig í samband við stúlkurnar í gegnum samskiptasíður á netinu.