Innlent

Viðurkennd vegna stuðnings við Fjölskylduhjálp

Samúel Karl Ólason skrifar
Kristinn Skúlason tekur við viðurkenningu frá Ólafi Ragnari fyrir hönd Krónunnar,
Kristinn Skúlason tekur við viðurkenningu frá Ólafi Ragnari fyrir hönd Krónunnar,
Forseti Íslands, Ólafur Ragnar Grímsson veitti í Perlunni í dag viðurkenningu fyrirtækjum mannúðar vegna stuðnings við Fjölskylduhjálp Íslands.

„Það vekur furðu mína að á tímum sem þessum og eftir allar þær breytingar sem gerðar hafa verið á stjórnskipulaginu milli ríkis og sveitafélaga að samt sem áður hefur Fjölskylduhjálp Íslands þurft að takmarka aðstoð sína fyrir þessi jól við 700 fjölskyldur og eru nú þegar farin að neita fleiri um aðstoð,” sagði Ólafur Ragnar við afhendingu viðurkenninganna. En hann afhenti í dag fjölda fyrirtækja viðurkenningar fyrir stuðning við Fjölskylduhjálpina.

„Því miður höfum við nú þurft að segja stopp og við ráðum ekki við meira. Við þurfum að neita örvingluðu fólki á hverjum degi, um 30 fjölskyldum á dag um jólaaðstoð. Svo mikil er þörfin,” Sagði Ásgerður Flosadóttir.

Í fréttatilkynningu segir: „Fjölskylduhjálp Íslands heldur úti matargjöfum, fatamarkaði og frírri klippingu fyrir fólk í neyð allt árið með stuðningi fjölda fyrirtækja. Án þeirra væri ekki hægt að halda úti starfsemi allt árið.“







Mest lesið


Fleiri fréttir

Sjá meira


×

Mest lesið