Solla fékk Iphone 5 í skóinn en ég mandarínu

Bréf sem barst Neytendasamtökunum um daginn gengur eins og eldur um sinu á veraldarvefnum en þar er sagt frá bréfi ungs drengs til jólasveinsins.

Í bréfinu spyr drengurinn jólasveininn hvernig standi á því að bekkjarsystir hans fái iPhone 5 í skóinn og frændi hann hafi fengið GoPro myndavél einn morguninn en á sama tíma fær hann aðeins sokka, mandarínur og nýja tréliti.

Krakkarnir í bekknum séu sumir hverjir feimnir við að segja hvað þau fá í skóinn, sérstaklega ef einhver bekkjarfélagi hafi fengið rosalega flottan pakka frá jólasveininum.

Drengurinn lýsir því einnig hversu reið móðir hans verður út í jólasveininn þegar hann segir henni frá öllum þeim gjöfum sem skólafélagar hans séu að fá.

Drengurinn biðlar til jólasveinsins að lagfæra þetta misræmi og gefa öllum börnum álíka gjafir. Hann langar til að mynda að fá hljómborð eða Ipod í skóinn. Hann hafði verið mjög þægur alla vikuna þegar bréfið var ritið, lagði á borðið heima hjá sér á hverjum degi og vaskaði reglulega upp. Drengurinn hafði einnig sótt systur sína í leikskólann daginn áður.

Það má gera ráð fyrir því að bréfið hafi verið ritað á síðasta ári þar sem fyrsti jólasveinninn kemur til byggðar á miðvikudagskvöldið.

Neytendasamtökin vilja því benda jólasveinunum á að gæta hófsemi þegar kemur að gjöfum í skóinn. Foreldrar mega síðan gefa börnum sínum hvað sem er í jólagjöf á aðfangadagskvöld.

Neytendasamtökin fengu umrætt bréf sent fyrr á árinu og birtu á baksíðu Neytendablaðsins á dögunum.

Hér að neðan má lesa bréfið frá stráknum.