Sendiherra Bandaríkjanna á Íslandi kveður með virktum

Luis Arreaga, sendiherra Bandaríkjanna hér á landi, er á leiðinni úr landi og sendir Íslendingum fallega kveðju á bloggsíðu sinni.

Þar segir hann dvöl sína á Íslandi síðastliðin þrjú ár hafa verið stórkostlega.

Hann segir það hafa verið forréttindi að fá tækifæri til að kynnast Íslandi, sem hann kallar göfuga þjóð.

Hann segist lánsamur að fá að kalla Íslendinga vini sína.

Eftirmaður Arreaga verður lögfræðingurinn Robert C. Barber, en sá er stuðningsmaður Barack Obama, Bandaríkjaforseta.

Luis Arreaga var áberandi í íslensku þjóðlífi á meðan á dvöl hans stóð og tók meðal annars þátt í gleðigöngu Hinsegin daga öll þrjú árin. Hann er einnig áhugamaður um hvalaskoðun og íslenska menningu, til að mynda myndlist og kvikmyndir.

Hann var skipaður sendiherra hér á landi þann 22. apríl 2010. 

Arreaga gegndi áður embætti sendiráðunautar í bandaríska sendiráðinu í Panama, var aðalræðismaður Bandaríkjanna í Vancouver í Kanada og yfirmaður hjá framkvæmdadeild utanríkisráðuneytisins í Washington.

Luis Arreaga er fæddur og uppalin í Guatemala, áður en hann fluttist til Bandaríkjanna.