Dingong Dingong í KR

Markvörðurinn François Ebenezer Dingong Dingong hefur gengið til liðs við KR. Dingong hefur æft með karlaliði félagsins undanfarnar vikur.

Dingong er frá Kamerún, fæddur í bænum Yabassi þann 1. maí árið 1995. Hann hefur undanfarin ár verið á mála hjá Aspire Academy í Doha í Katar að því er kemur fram á heimasíðu KR.

Kamerúninn var ekki bundinn neinu félagi og hefur ekki skrifað undir samning við KR. Hann er engu að síður gjaldgengur með félaginu frá og með 1. ágúst.

Dingong er því til taks í kvöld ef á þarf að halda þegar KR sækir Stjörnuna heim í undanúrslitum Borgunarbikars karla.