Innbrot, slagsmál og fíkniefnaakstur

Brotist var inn í verslun í Breiðholti á sjötta tímanum í nótt. Innbrotsþjófarnir brutu þar rúðu og rændu sígarettum. Ekki er vitað hversu mikið af sígarettum ræningjarnir höfðu á brott með sér.

Þá var bifreið stöðvuð á Háaleitisbraut laust eftir klukkan átta í morgun. Ökumaðurinn var handtekinn, grunaður um akstur undir áhrifum fíkniefna. Var hann sviptur ökuréttindum. Bifreiðin var óskoðuð og bílnúmerin því tekin. Ökumaðurinn var hins vegar sleppt úr haldi lögreglu að lokinni upplýsinga- sýnatöku. Tveir aðrir voru handteknir í nótt, grunaðir um ölvun við akstur.

Samkvæmt upplýsingum frá lögreglu bárust nokkrar tilkynningar um slagsmál í miðborginni. Að sama skapi var nokkuð um hávaða í heimahúsum.