Sharon lét lappa upp á leggöngin

Sharon Osbourne, 61 árs, er ófeimin við að tjá sig opinskátt um allar lýtaaðgerðirnar sem hún hefur farið í. Hún segir sársaukafyllstu aðgerðina hafa verið þegar hún lét laga kynfæri sín.

„Það versta var þegar leggöngin mín voru þrengd. Það var sársaukafullt,“ segir Sharon í viðtali við Graham Norton. Þá tjáði hún sig líka um hjónaband sitt með rokkaranum Ozzy Osbourne en þau hættu saman og tóku aftur saman stuttu seinna.

„Mikið hefur gerst í lífinu þegar maður er búinn að þekkja manneskju í fjörutíu ár og búinn að vera með þeirri manneskju í 33 ár. Hann datt í það og neytti blöndu af fíkniefnum og áfengi.“