Reikna ísþörf sjómanna með nýju appi

Matís hefur látið búa til smáforrit, svokallað app, sem gerir sjómönnum kleyft að reikna út hversu mikinn ís þeir þurfa til að kæla aflann, að því er fram kemur á vef Matís.

Í forritinu er tekið með í reikninginn hver sjávarhitinn er, lofthiti og dagar á sjó, og reiknað hversu mikinn ís þarf í fjölda skófla og fjölda fata.

Enn sem komið er geta bara þeir sem eru með síma eða spjaldtölvur með Android-stýrikerfinu notað forritið, en það er væntanlegt fyrir tæki frá Apple og tæki með Windows-stýrikerfið.