Þorskstofninn aldrei sterkari

Niðurstöður liggja nú fyrir úr haustralli Hafrannsóknastofnunar Íslands. Meðal niðurstaðna var að heildarvísitala þorsks mældist sú hæsta frá 1996 þegar farið var í fyrstu stofnmælinguna að haustlagi. Sú hækkun er í góðu samræmi við stofnmat sem gert var í vor.

Einnig kom fram að meira er af þorski sem lengri en 80 sm og líkt og undanfarin ár fékkst mest af þorski djúpt norðvestur, norður og austur af landinu og á Þórsbanka fyrir suðaustan land.

Stofnvísitala ýsu hækkaði nú frá síðasta ári og er nú svipuð og árið 2009. Meira fékkst af stærri ýsu borið saman við síðustu ár og er það að mestu vegna minna veiðiálags.

Flestar aðrar botnfisktegundir mældust háar, en þó eru stofnstærðir stenbíts og hlýra frekar lágar. Sömu sögu er að segja af vísitölu skötusels.