Útsvar lækkar um 0,5 prósent í Eyjum

Bæjarstjórn Vestamannaeyja hefur samþykkt að lækka útsvar um hálft prósent. Fer þá álagningin á næsta ári úr 14,48 prósentum í 13,98.

Fulltrúar minnihluta V-lista sögðust telja eðlilegra að efla þjónustu við bæjarbúa en að lækka útsvarið.

Meirihluti Sjálfstæðisflokks sagðist hins vegar „telja bæjarbúa best til þess fallna að velja sjálfir hvernig þeir fara með tekjur sínar“ og benti á að íbúar í Vestmannaeyjum mældust meðal þeirra ánægðustu á landinu öllu þegar spurt væri um þjónustu sveitarfélaga.- gar