Samfylkingin i Reykjavík prófkjör eða uppstilling

Kosið verður um hvort að uppsillingarnefnd raði á lista Samfylkingarinnar fyrir borgarstjórnarkosningarnar í vor eða hvor að haldið verður lokað prófkjör, þar einungis þeir sem eru flokksbundnir í Samfylkingunni fá að taka þátt.

Tillögurnar verða lagðar fyrir fulltrúaráðsfund á mánudagskvöldið og verður kosningin skrifleg.

Kjartan Valgarðsson formaður stjórnar fulltrúaráðsins er talsmaður þess að uppstillingarnefnd ákveði listann.

„Fólk er orðið þreytt á prófkjörum, það er ekkert nýtt við þau og prófkjör sundra fremur en sameina,“ segir Kjartan.

„Ég vil galopið prófkjör, þar sem allir fá að að taka þátt. Það myndi skila bestri niðurstöðu. Sú leið er hins vegar ekki í boði svo ég styð tillögu um að fara í lokað prófkjör, segir Birgir Dýrfjörð sem situr í stjórn fulltrúaráðsins. 

Kjartan segir að eitt séu menn sammála um að Dagur B. Eggertsson borgarfulltrúi leiði listann.

 

Hann segir að ef sú leið verði farin að raða á listann verði kosin 7 manna valnefnd. Hlutverk hennar verði að hafa samband við flokksfélaga og biðja þá um tilnefna fólk á lista. Að því loknu verði skoðanakönnun meðal félagsmanna á því hvernig skipa eigi á listann. 

Kjartan segir að gengið verði frá endanlegum framboðslista 8. febrúar á næsta ári.