Vilja fá meiri tíma í aðalskipulagið

„Með svo óvönduðum vinnubrögðum sýnir borgarstjórnarmeirihluti Samfylkingar og Besta flokksins fjölmörgum einstaklingum og lögaðilum lítilsvirðingu sem sendu inn athugasemdir vegna tillögunnar í góðri trú,“ bókuðu sjálfstæðismenn í borgarráði þar sem afgreidd var tillaga að nýju aðalskipulagi til umfjöllunar í borgarstjórn næsta þriðjudag.

Fulltrúar meirihluta Besta flokksins og Samfylkingar bókaðu borgarfulltrúa hafa haft öll tækifæri til að kynna sér málið mjög ítarlega. „Gögn málsins eru borgarfulltrúum því af góðu kunn,“ sögðu þeir.