Freyja Potter í Dónol Halla Þórlaug Óskarsdóttir skrifar 21. nóvember 2013 12:00 Freyjusaga - Múrinn eftir Sif Sigmarsdóttur Bækur: Freyjusaga: Múrinn Sif Sigmarsdóttir Mál og menning Múrinn eftir Sif Sigmarsdóttur er fyrsta bókin í sagnabálkinum Freyju sögu. Í sögunni er gert ráð fyrir að svokallaðir landflutningar muni eiga sér stað eftir tæpa tvo áratugi (frá því þessi ritdómur er skrifaður) þar sem hafið flæðir upp á land og heimurinn umturnast í kjölfarið. Sagan gerist í framtíðarborginni Dónol, þar sem illræmdi einvaldurinn Zehn ræður ríkjum. Lífsskilyrðin í Dónol eru framandi íslenskum unglingum. Rafmagn er óþekkt og rottur hlaupa um myrkar og illa þefjandi götur borgarinnar, sem er afgirt með rammgerðum múr. Borgarbúar fá ekki að velja sér starfsvettvang eftir áhugasviði heldur er þeim skipað í lífstíðarstarf þegar þeir eru fimmtán ára. Aðalsöguhetjan, Freyja, er einmitt á þeim tímamótum þegar sagan hefst. Hún virðist í fyrstu ósköp venjuleg unglingsstúlka sem býsnast kannski ívið mikið yfir ástandinu í borginni og hefur furðulega mikinn áhuga á fortíðinni. Þegar líður á söguna kemur í ljós að hlutverk hennar reynist stærra en hún hafði ímyndað sér. Bókin er lengi að komast af stað, enda þarf að kynna framandi sögusviðið vandlega fyrir lesandanum, hugsanlega hefði mátt slípa fyrstu kaflana örlítið til. Þegar atburðarásin hins vegar kemst á skrið verður hún æsispennandi. Uppbyggingin er nokkuð dæmigerð og sagan er hressileg blanda af Harry Potter og Hungurleikunum. Hugsanlega mætti segja að Freyja minni stundum ískyggilega mikið á galdrastrákinn knáa. Sagan er reyndar sögð út frá tveimur sjónarhornum, því inni á milli eru skáletraðir kaflar þar sem við heyrum rödd annars sögumanns. Þessi flækja er vel heppnuð og eykur spennuna. Höfundi tekst að búa til sannfærandi heim þar sem allt gengur upp og greinilegt er að forsagan, baksagan um tilurð hinnar ímynduðu distópíu, er úthugsuð líka. Lesandinn sekkur þannig inn í heim fantasíunnar í öruggum höndum höfundarins. Bókin er dæmigerð fantasía og í heild sinni vel skrifuð, aldrei nokkur yfirlætistónn í henni. Hún er spennandi, þrátt fyrir að vera lengi í gang, og hún ætti að höfða til ævintýraþyrstra ungmenna á öllum aldri – og skilja við þau óþreyjufull eftir næstu bók.Niðurstaða: Vel skrifuð og spennandi fantasía sem ætti að höfða til ævintýraþyrstra ungmenna. Gagnrýni Mest lesið Ísland fékk stig frá þessum löndum Lífið Þjóðin tjáir sig: Skipbrot VÆB, söguleg núll stig og meðalgreind heimsálfa Lífið 50+: „Það þykir ekki töff að segjast vera einmana“ Áskorun Voru í sjötta sæti í undankeppninni Lífið Vaktin: Stórsigur Austurríkis og VÆB fengu 33 stig Lífið Austurríki sigurvegari Eurovision 2025 Lífið Klúróvision í kvöld: „Þetta fer svo fyrir brjóstið á okkur að við förum úr fötunum“ Lífið Berglind Festival og Jón Geir njóta lífsins á Tenerife Lífið Krakkatían: Eurovision, jarðskjálftar og dvergar Lífið Ísraelska söngkonan biðlar til Íslendinga á íslensku Lífið Fleiri fréttir Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira
Bækur: Freyjusaga: Múrinn Sif Sigmarsdóttir Mál og menning Múrinn eftir Sif Sigmarsdóttur er fyrsta bókin í sagnabálkinum Freyju sögu. Í sögunni er gert ráð fyrir að svokallaðir landflutningar muni eiga sér stað eftir tæpa tvo áratugi (frá því þessi ritdómur er skrifaður) þar sem hafið flæðir upp á land og heimurinn umturnast í kjölfarið. Sagan gerist í framtíðarborginni Dónol, þar sem illræmdi einvaldurinn Zehn ræður ríkjum. Lífsskilyrðin í Dónol eru framandi íslenskum unglingum. Rafmagn er óþekkt og rottur hlaupa um myrkar og illa þefjandi götur borgarinnar, sem er afgirt með rammgerðum múr. Borgarbúar fá ekki að velja sér starfsvettvang eftir áhugasviði heldur er þeim skipað í lífstíðarstarf þegar þeir eru fimmtán ára. Aðalsöguhetjan, Freyja, er einmitt á þeim tímamótum þegar sagan hefst. Hún virðist í fyrstu ósköp venjuleg unglingsstúlka sem býsnast kannski ívið mikið yfir ástandinu í borginni og hefur furðulega mikinn áhuga á fortíðinni. Þegar líður á söguna kemur í ljós að hlutverk hennar reynist stærra en hún hafði ímyndað sér. Bókin er lengi að komast af stað, enda þarf að kynna framandi sögusviðið vandlega fyrir lesandanum, hugsanlega hefði mátt slípa fyrstu kaflana örlítið til. Þegar atburðarásin hins vegar kemst á skrið verður hún æsispennandi. Uppbyggingin er nokkuð dæmigerð og sagan er hressileg blanda af Harry Potter og Hungurleikunum. Hugsanlega mætti segja að Freyja minni stundum ískyggilega mikið á galdrastrákinn knáa. Sagan er reyndar sögð út frá tveimur sjónarhornum, því inni á milli eru skáletraðir kaflar þar sem við heyrum rödd annars sögumanns. Þessi flækja er vel heppnuð og eykur spennuna. Höfundi tekst að búa til sannfærandi heim þar sem allt gengur upp og greinilegt er að forsagan, baksagan um tilurð hinnar ímynduðu distópíu, er úthugsuð líka. Lesandinn sekkur þannig inn í heim fantasíunnar í öruggum höndum höfundarins. Bókin er dæmigerð fantasía og í heild sinni vel skrifuð, aldrei nokkur yfirlætistónn í henni. Hún er spennandi, þrátt fyrir að vera lengi í gang, og hún ætti að höfða til ævintýraþyrstra ungmenna á öllum aldri – og skilja við þau óþreyjufull eftir næstu bók.Niðurstaða: Vel skrifuð og spennandi fantasía sem ætti að höfða til ævintýraþyrstra ungmenna.
Gagnrýni Mest lesið Ísland fékk stig frá þessum löndum Lífið Þjóðin tjáir sig: Skipbrot VÆB, söguleg núll stig og meðalgreind heimsálfa Lífið 50+: „Það þykir ekki töff að segjast vera einmana“ Áskorun Voru í sjötta sæti í undankeppninni Lífið Vaktin: Stórsigur Austurríkis og VÆB fengu 33 stig Lífið Austurríki sigurvegari Eurovision 2025 Lífið Klúróvision í kvöld: „Þetta fer svo fyrir brjóstið á okkur að við förum úr fötunum“ Lífið Berglind Festival og Jón Geir njóta lífsins á Tenerife Lífið Krakkatían: Eurovision, jarðskjálftar og dvergar Lífið Ísraelska söngkonan biðlar til Íslendinga á íslensku Lífið Fleiri fréttir Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira