Brúðkaup á stjörnuheimili

Thomas Kirk, kynningarfulltrúi hljómsveitarinnar Muse, gekk að eiga konu sína Jaclyn Ferber á heimili stjörnuparsins Kate Hudson, leikkonu og Matthew Bellamy, söngvara Muse, um síðustu helgi.

Athöfnin og veislan fór fram í garðinum og fór afar vel um gestina.

Kate og Matthew eru ekki gift en þau hafa verið trúlofuð síðan í apríl árið 2011 og eignuðust soninn Bingham síðar á því sama ári. Þá á Kate soninn Ryder, níu ára, úr fyrra sambandi en heimildir tímaritsins Us Weekly herma að fjölskyldan sé í óðaönn að undirbúa brúðkaup.