Það urðu merk tímamót í sögu mannkyns 10. maí sl. Þeim var ekki fagnað neins staðar svo ég viti en um þau var nokkuð fjallað, a.m.k. í erlendum fjölmiðlum. Þennan maídag náði jafnvægisstyrkur koltvísýrings í lofthjúpi Jarðar 400 ppm (sem þýðir að af hverjum milljón loftsameindum eru 400 CO2).
Það er hæsti styrkur koltvísýrings í andrúmsloftinu í þrjár milljónir ára. Við upphaf iðnbyltingar árið 1750 nam þessi jafnvægisstyrkur 280 ppm. Styrkur CO2 í andrúmsloftinu hefur hækkað vegna útblásturs gróðurhúsalofttegunda vegna brennslu jarðefnaeldsneytis og ósjálfbærrar landnotkunar.
Í maíbyrjun var Bill McKibben staddur hér á landi í boði Landverndar. Hann er forsprakki grasrótarhreyfingarinnar 350.org sem hefur það að markmiði að vekja fólk til vitundar um mikilvægi þess að styrkur gróðurhúsalofttegunda í lofthjúpnum fari ekki yfir 350 ppm. En það er nauðsynlegt svo að áfram verði lífvænlegt á Jörðinni. Við stefnum hins vegar hratt í þveröfuga átt. Ef fram heldur sem horfir gæti hitastig hækkað um 3°C að meðaltali á þessari öld. Það eru ekki gráður sem efla grillmenningu Íslendinga svo neinu nemi en gætu hins vegar haft geigvænlegar afleiðingar fyrir lífsskilyrði þorra mannkyns.
Bráðnun heimskautaíssins þekkja flestir sem afleiðingu loftslagsbreytinga og vita að boðar ekki gott (þótt margir vilji græða á nýjum siglingaleiðum). Hækkun sjávarborðs, súrnun sjávar, útrýming eða tilflutningur plöntu- og dýrategunda, öfgar í veðurfari; lengri þurrkar, fleiri flóð, fellibyljir og hitabylgjur, eru líka afleiðingar loftslagsbreytinga. Það er ekki að ástæðulausu sem þessi þróun er kölluð hamfarahlýnun.
Ban Ki-moon, aðalframkvæmdastjóri Sameinuðu þjóðanna, mun vera staddur í opinberri heimsókn á Íslandi. Hann hefur verið ötull talsmaður þess að aðildarríki SÞ bregðist við loftslagsbreytingum með skuldbindandi samningum um samdrátt í losun gróðurhúsalofttegunda en í tvo áratugi hafa aðildarríki loftslagssamnings SÞ þrefað um ábyrgð, leiðir og lausnir í næsta vonlausu samningaferli. Ekki veit ég hvort loftslagsbreytingar eru á dagskrá funda Ban Ki-moon með ráðamönnum þjóðarinnar en vonandi notar hann tækifærið og minnir á mikilvægi þess sameiginlega verkefnis ríkja heims að ná skuldbindandi samningum um að draga úr losun gróðurhúsalofttegunda – fljótt og mikið.

400 ppm
Skoðun

Stefna ójafnaðar
Oddný G. Harðardóttir skrifar

Barnalán - móðurást í breytilegu vaxtaumhverfi
Arna Pálsdóttir skrifar

Með sóttvarnir á heilanum
Guðmundur Einarsson skrifar

Hjá „kirkjunnar“ mönnum
Einar Sveinbjörnsson skrifar

Þegar meðferð eykur líkur á langvinnum verkjum
Björn Hákon Sveinsson skrifar

Veirutímar og hlutverk laga
Helgi Áss Grétarsson skrifar

Samhæfð sundfimi (e. synchronized swimming)
Ólafur Þór Gunnarsson skrifar

Svartur listi rauða drekans
Helgi Steinar Gunnlaugsson skrifar

Samfylkingin - Lýðræðishreyfing iðkar ritskoðun og pólitískar hreinsanir
Birgir Dýrfjörð skrifar

Berjumst gegn bakslaginu
Andrés Ingi Jónsson skrifar

Vítamínsprauta fyrir framtíðina ekki fyrir börnin í Háteigsskóla?
Bergrún Tinna Magnúsdóttir skrifar

Hvað verður um ráðherrann? Kona með geðhvörf rýnir í sjónvarpsþátt
Dísa Bjarnadóttir skrifar

Ég skal falla á kné og grátbiðja um endurmat
Sigmar Vilhjálmsson skrifar

Hverjir eiga Ísland? Fimm sjokkerandi punktar
Ágúst Ólafur Ágústsson skrifar

Hvernig má auka framleiðslu hliðarafurða í íslenskri matvælaframleiðslu?
Valgerður Árnadóttir ,Þór Sigfússon skrifar