Árborg bannar munntóbakslíki

Notkun á sænska munntóbakslíkinu Kickup hefur verið bönnuð í grunnskólum, félagsmiðstöðvum og íþróttahúsum sveitarfélagsins Árborgar.

Í kynningu á málinu til foreldra kemur fram að vörunni svipi til hefðbundins munntóbaks og telja starfsmenn sveitarfélagsins að notkun hennar kunni að ýta undir tóbaksnotkun síðar meir. Þá sé dæmi um að nemandi hafi blandað venjulegu tóbaki við vöruna.

Sömuleiðis er sagt erfitt fyrir starfsfólk sem vinnur með börnum að greina hvort um tóbak sé að ræða eða ekki.