Innlent

Skákeinvígi Anand og Carlsen í beinni útsendingu

Kristján Hjálmarson skrifar
Anand og Carlsen heyja nú einvígi um heimsmeistaratitilinn í skák.
Anand og Carlsen heyja nú einvígi um heimsmeistaratitilinn í skák.
Norðmanninum Magnúsi Carlsen nægir eitt jafntefli úr síðustu þremur skákunum til að tryggja sér heimsmeistaratitilinn í skák. Einvígi hans og Indverjans heldur áfram í dag. 

Carslen, sem er 22 ára, er með þriggja vinninga forskot á Viswanathan Anand þegar þrjár skákir eru eftir.

Skákæði hefur gripið um sig í Noregi eftir að einvígið hófst og fylgjast Norðmenn spenntir með.

Skákeinvígið fer fram í borginni Chennai á Indlandi. Meðal þeirra sem mættir eru til að fylgjast með er fyrrverandi heimsmeistarinn Garry Kasparov.

„Áhugi fólks á einvíginu hefur komið mér í opna skjöldu og minnir á einvígi mín við Anatoly Karpov og Spassky og Fischer,“ sagði Kasparov í upphafi einvígisins.



Kasparov hefur unnið með Carlsen og segir Norðmanninn hafa örlítið forskot á Anand sem er 43 ára.

„Ég get ekki falið stuðning minn við Carlsen. Ekki vegna samstarfs okkar heldur tel ég að skákin eigi að vera í höndum nýrrar kynslóðar. Carlsen er helmingi yngri en Vishy,“ sagði Rússinn fimmtugi.

Mest lesið


Fleiri fréttir

Sjá meira


×

Mest lesið