Samstarf Jonas bræðranna Nick, Kevin, og Joe er komið á endastöð. Þeir hafa loksins stigið fram og viðurkennt að ævintýri hljómsveitarinnar sé lokið. Sögusagnirnar urðu háværar eftir að þeir aflýstu haust-tónleikatúr bandsins fyrr í þessum mánuði.
„Þetta er búið - í bili," lét Kevin hafa eftir sér í People tímaritinu.
Í fyrra bættust Kevin Jonas og eiginkona hans Danielle við hóp raunveruleikastjarna E - sjónvarpstöðvarinnar en þáttur þeirra, Married to Jonas, er sýndur á sunnudagskvöldum á stöðinni.
