Dásamlegt dömuboð

Meðfylgjandi myndir voru teknar á veitingahúsinu Nauthól þegar Kristín Stefánsdóttir fagnaði nýútkominni bók sinni Förðun Skref fyrir Skref.

Kristín hefur starfað sem förðunarmeistari í áratugi en hún er þekkt fyrir förðunarlínu sína No Name. Í þessari bók kennir hún konum förðun og húðumhirðu á einfaldan og skilmerkilegan hátt. Sýnt er hvernig á að farða, skyggja og draga fram náttúrulega fegurð andlitsins á myndum sem sýna skref fyrir skref hvaða aðferðum er beitt.