Allir lausir nema eigandinn

Þrír starfsmenn kampavínsklúbbsins Strawberries eru lausir úr gæsluvarðhaldi, en eigandinn situr enn í gæsluvarðhaldi. Þetta segir Karl Steinar Valsson, yfirlögregluþjónn á höfuðborgarsvæðinu.

Gæsluvarðhaldið yfir eigandanum rennur út á föstudag.

Hópur manna var handtekinn á staðnum í lok síðusta mánaðar vegna gruns um að þær færu fram vændiskaup. Eins og greint var frá í kvöldfréttum Stöðvar 2 grunar lögreglu að milliganga um vændi hafi verið starfrækt á staðnum undanfarna mánuði og jafnvel misseri.

Staðnum hefur verið lokað um óákveðinn tíma í þágu rannsóknarinnar, og þá mun leyfi staðarins vera skoðað í ljósi þessa máls.

Þegar mest lét sátu sex manns í gæsluvarðhaldi í tengslum við málið.