Tvær látnar eftir skotárás vestanhafs

Tvær konur létust í skotárás við dómshúsið í bænum Wilmington í Delaware fyrir stundu. Maður vopnaður byssu lést af skotskári skömmu síðar.

Dennis Williams, bæjarstjóri í Wilmington, sagði í samtali við dagblaðið News Journal að önnur þeirra látnu hefði verið eiginkona skotmannsins. Þrír aðrir urðu fyrir meiðslum þar af tveir lögreglumenn.

Ekki liggur fyrir hvort árásarmaðurinn hafi tekið eigin líf eða verið skotinn til bana af lögreglu. Eins greinir fréttamiðlum vestanhafs á um hvort konurnar hafi fallið fyrir skotum mannsins eða öryggisvarðanna.

Maðurinn, sem var á þrítugsaldri, hleypti af skotum inni í Castle County dómshúsinu og reyndi að komast inn fyrir öryggishlið.