Auglýst eftir vitnum að líkamsárás

Lögreglan á höfuðborgarsvæðinu óskar eftir vitnum að líkamsárás sem átti sér stað á Fífuhvammsvegi við Smáralind í Kópavogi milli klukkan tvo og þrjú í gærdag.

Í tilkynningu lögreglu segir að ljóshærður karlmaður, um 180 sentimetrar á hæð og meðalmaður að þyngd hafi veittst að konu þannig að hún féll í götuna og sparkaði síðan í hana.

Nokkur umferð hafi verið um svæðið á þessum tíma og biður lögregla þá sem kunna að hafa orðið vitni að atvikinu að hafa samband í síma 444 1000 eða senda tölvupóst á abending@lrh.is. Einnig er hægt að senda lögreglu upplýsingar á fésbókarsíðu lögreglunnar