Björt framtíð með mest fylgi í Reykjavík

Fylgi Samfylkingarinnar í Reykjavík eykst um sex prósentustig og er 21 prósent samkvæmt Þjóðarpúlsi Capacent.

Töluverðar breytingar hafa orðið á fylgi í Reykjavík frá síðustu könnun. Fylgi Bjartrar framtíðar mælist 34 prósent sem er þremur prósentustigum minna en fylgi Besta flokksins var í síðustu könnun.

Sjálfstæðisflokkurinn er með 29 prósent fylgi sem er lækkun um tvö prósentustig. Vinstri grænir eru með 9 prósenta fylgi og Framsóknarflokkurinn mælist með rúm 3 prósent. Rúmlega fjögur prósent svarenda myndu kjósa aðra flokka.

Samkvæmt Þjóðarpúlsinum myndi Björt framtíð fá sex borgarfulltrúa ef kosið yrði í dag. Sjálfstæðisflokkurinn fengi fimm, Samfylkingin þrjá og Vinstri grænir einn.