Barnaníðingur talinn ósakhæfur

Karlmaður var í dag dæmdur til að sæta öryggisráðstöfunum á réttargeðdeild Landspítalans, viðeigandi sambýli eða sambærilegum stað vegna brota sem hann framdi gegn tveimur drengjum, þá 13 og 5 ára gömlum.

Fyrra brot mannsins gegn 5 ára dreng

Manninum var gefið að sök að hafa brotið gegn yngri drengnum á árinu 2004, en drengurinn var þá 5 ára.

Var hann ákærður fyrir að hafa látið drenginn afklæðast að neðan og sýna á sér kynfærin og snert hann með hendi á lærunum. Einnig fyrir kynferðislega áreitni með því að láta drenginn fylgjast með á meðan hann lét annan dreng kyssa og sjúka á sér kynfærin.

Maðurinn játaði að hafa látið drenginn afklæðast og sýnt sér kynfærin en ekki að hafa snert hann á lærum og taldist það því ekki sannað. Hann kvaðst ekki muna eftir síðara atvikinu en með framburði vitna var talin komin fram lögfull sönnun um að hann hefði brotið gegn drengum með þeim hætti.

Síðara brotið gegn 13 ára dreng

Manninum var einnig gefið að sök að hafa í september á þessu ári áreitt eldri drenginn kynferðislega með því ræða og skrifast á við hann af grófum kynferðislegum toga, þar með talið um kynferðisathafnir, leitast við að fá drenginn til að senda sér ljósmyndir sem sýndu hann nakinn og leitað eftir kynferðislegu stefnumóti við hann allt þar til þeir mæltu sér mót til að hafa kynferðismök og hittust í miðbæ Reykjanesbæjar síðar í þeim tilgangi.

Þá var hann ákærður fyrir að hafa reynt að mæla sér mót við drenginn í gegnum netið til að hafa við hann kynferðismök án árangurs en vissi þá ekki að viðmælandinn reyndist vera móðir drengsins.

Að lokum var honum gefið að sök að hafa reynt að tæla drenginn til kynferðismaka með því að bjóða honum peningagreiðslu.

Maðurinn játaði að hafa skrifast á við drenginn á netinu og leitað eftir kynferðislegu stefnumóti við hann. Hins vegar taldist það ekki sannað að hann hafi beðið hann að senda sér ljósmyndir af sér nöktum, maðurinn var því sakfelldur fyrir alla liði ákærunnar utan þess.

Talinn ósakhæfur

Fyrir dóminn komu geðlæknar sem báru vitni um andlegan vanþroska mannsins vegna þroskahömlumar og lágrar greindar. Töldu þeir að hann væri ófær um að stjórna gerðum sínum, sérlega hvað varði kynlíf og kynferðismál.

Það var mat eins þeirra að hegðun mannsins í þessar veruna héldi áfram og tveir þeirra staðfestu að þeir teldu að refsing myndi ekki bera árangur.

Hérðasdómur taldi að andlegt ástand mannsins hafi verið það skert á verknaðarstundu að hann hafi verið alls ófær um að stjórna gerðum sínum og því ósakhæfur. Hann var því sýknaður af refsikröfu ákæruvaldsins.

Gert að sæta öryggisgæslu

Dómurinn haldi hins vegar nauðsynlegt að varna því að háski verði af manninum og því var honum gert að sæta öryggisgæslu með sérstökum ráðstöfunum, á viðeigandi sambýli eða sambærilegum stað þar sem þjónusta er á staðnum í að minnsta kosti 12 tíma á hverjum degi en yfirlæknir geðdeildar Landspítalans ákveður nákvæmari útfærslur á slíku.

Þá skuli tryggja að farið sé yfir net- og símanotkun mannsins vikulega með sérstakri áherslu á að varna kynferðislegri áreitni og annarri ótilhlýðilegri háttsemi gagnvart börnum og ungmennum. Þá skal yfirlæknir tryggja að farið sé vikulega með manninum yfir samskipti hans og þá sérstaklega við börn og ungmenni.

Skal maðurinn einnig sæta annarri meðferð, þar með talið fræðslu og leiðbeiningum sem yfirlæknirinn telur nauðsynlegt til að varna því að háski stafi af honum, ekki sjaldnar en vikulega.

Var manninum þar að auki gert að greiða drengunum samtals 1 milljón í miskabætur.