Jólaplata tekin upp að sumri

„Við tókum upp plötuna á heitustu sumardögunum, það var svolítið skrítið að syngja inn jóla- og vetrarlög yfir hásumarið,“ segir Erna Hrönn Ólafsdóttir tónlistarkona sem gefur út plötuna Húmar að kveldi ásamt Pálma Sigurhjartarsyni píanóleikara um helgina. Á plötunni er að finna þekkt jólalög og sálma, í bland við minna þekkt efni.

„Þetta er hátíðleg og einlæg plata, þar sem augnablikið og einfaldleikinn eru fönguð,“ segir Erna Hrönn en eingöngu er stuðst söng og píanóleik á plötunni. Þar er að finna lög á borð við Hin fyrstu jól og Nóttin var sú ágæt ein, svo dæmi séu tekin.

Útgáfutónleikar fara fram sunnudaginn 1. desember í Hofi á Akureyri og hefjast þeir klukkan 20.00 en sérstakur gestur á tónleikunum er Magni Ásgeirsson.