Páll rekinn og Zoran tekur við

Páll Einarsson var í dag rekinn sem þjálfari 1. deildarliðs Þróttar. Í hans stað hefur verið ráðinn Serbinn Zoran Miljkovic.

Páll var þjálfari Þróttar í tæp fjögur ár, var ráðinn haustið 2009, og hefur aðeins Ásgeir Elíasson þjálfað Þrótt lengur. Páll er jafnframt einn af leikjahæstu leikmönnum félagsins.

Miljkovic hefur lengi verið í leit að starfi á Íslandi og verið orðaður við þau mörg. Hann hefur þjálfað bæði Selfoss og Leikni og náði í bæði skiptin fínum árangri.

Serbinn var einnig leikmaður á Íslandi en hann kom hingað til lands árið 1994. Hann spilaði þá með ÍA en lék síðar með ÍBV og Víkingi R.

Þróttur er í næstneðsta sæti 1. deildarinnar með 5 stgi eftir 8 leiki.