Páll vill ekki ræða uppsögnina

Eins og fram kom fyrr í dag þá ákváðu Þróttarar að reka Pál Einarsson sem þjálfara liðsins fyrr í dag og ráða Zoran Miljkovic í hans stað.

Páll hafði þjálfað Þrótt í fjögur ár en hann er einnig fyrrum leikmaður félagsins og goðsögn hjá Þrótti.

Gengi Þróttar í sumar hefur ekki staðið undir væntingum og er liðið í næstneðsta sæti deildarinnar eftir átta leiki.

Það var meira en stjórnin sætti sig við og Páll fékk því sparkið.

Vísir setti sig í samband við Pál í dag og hann hafði þetta um uppsögnina að segja. „No comment."

Páll útilokaði þó ekki að tjá sig frekar um málið síðar.