Sjáið Harrison Ford gata eyra Jimmy Fallon

Stórleikarinn Harrison Ford fór á kostum í sjónvarpsþætti grínarans Jimmy Fallon þar sem hann gataði annað eyrað á Jimmy.

„Ég hef beðið Harrison Ford um að gata eyra mitt því hann er ein svalasta manneskja sögunnar og mig langar að vera eins og hann,“ sagði Jimmy við áhorfendur áður en ballið byrjaði. Harrison lét gata eyra sitt árið 1997 þegar hann var 55 ára.

Harrison bar sig að verkinu eins og fagmaður en hann mætti í þáttinn til að kynna nýjustu mynd sína Ender‘s Game. Jimmy þurfti að taka á honum stóra sínum til að fríka ekki út í sjónvarpssal en allt er gott sem endar vel og tókst götunin eins og í sögu eins og sést í myndbandinu hér fyrir neðan. Jimmy er litríkur karakter og valdi að skarta ansi skrautlegum fjaðraeyrnalokki. Óvíst er hvort lokkurinn fái að staldra lengi við í eyranu en uppátækið er engu að síður skemmtilegt.