Gaf veikum nemanda eiginhandaráritun

Tónlistarmaðurinn Eyþór Ingi Gunnlaugsson hefur verið að spila og syngja í leik- og grunnskólum Árborgar upp á síðkastið, þar á meðal á Stokkseyri.

Einn nemanda vantaði þegar Eyþór kom fram á Stokkseyri, hann Matthías Fossberg Matthíasson, en hann var rúmfastur með lungnabólgu þegar Eurovision-goðið þandi raddböndin. Eyþór brá því á það ráð að heimsækja piltinn og gaf honum eiginhandaráritun. Það vakti vægast sagt mikla lukku, ekki aðeins hjá Matthíasi heldur líka hjá bróður hans, Jóni Marteini.