Brann á andliti vegna ammoníaks

Vinnuslys varð um síðustu helgi í fiskvinnslufyrirtæki á Suðurnesjum.

Starfsmaður var að vinna við vél sem keyrir kælikerfi fiskvinnslunnar þegar ammoníaksblönduð olía sprautaðist í andlit hans.

Maðurinn brann í andliti, auk þess sem vökvinn fór í annað auga hans.

Honum var ekið með sjúkrabifreið til aðhlynningar á Heilbrigðisstofnun Suðurnesja.

Fleiri slys urðu á Suðurnesjum en maður féll í stiga innan dyra í Sandgerði og rotaðist. Erlend kona féll á göngustígnum að inngangi Bláa lónsins og var talið að hún hefði handleggsbrotnað. Loks féll eldri maður niður stiga og meiddist á fæti. Allt þetta fólk var flutt til aðhlynningar á Heilbrigðisstofnun Suðurnesja.