Kópavogur biðji Smartbíla afsökunar

Lögmaður eiganda Smartbíla krefst þess að félagsmálaráð Kópavogsbæjar biðjist afsökunar á athugasemd sem birtist í fundargerð nefndarinnar 4. júní síðastliðinn og varðaði meint kynferðisbrot starfsmanns fyrirtækisins gagnvart fatlaðri konu.

thugasemdin hljóðaði svona: „Félagsmálaráð gerir alvarlega athugasemd við vinnubrögð fyrirtækisins Smartbíla ehf. og telur að það hafi sýnt alvarlega vanrækslu þegar bílstjóri á þess vegum var áfram látinn sinna akstri þrátt fyrir að tilkynnt hefði verið um meint brot hans gegn öðrum notanda.“

Í erindi lögmanns Smartbíla eru bæjaryfirvöld meðal annars harðlega gagnrýnd fyrir að hafa ekki upplýst fyrirtækið um meint brot starfsmannsins þegar þau komu upp og þar af leiðandi ók hann áfram í nokkra daga eftir að málið hafði verið kært.

Í svari lögmanns bæjarins segir að lögreglan hafi farið þess sérstaklega á leit að viðkomandi yrði ekki upplýstur um málið. Rannsókn málsins er á lokastigi samkvæmt upplýsingum lögreglu.