Leggja fram breytingartillögu útaf desemberuppbót

Fjárlaganefnd Alþingis hefur lagt fram breytingartillögu við fjáraukalagafrumvarp ríkisstjórnarinnar útaf greiðslu desemberuppbótar til atvinnuleitenda.

Breytingartillagana er í samræmi við samkomulag stjórnarandstöðu og ríkisstjórnar um að greiða út desemberuppbót til atvinnuleitenda.

Í tillögunni er gert ráð fyrir 240 milljón króna framlagi til að mæta útgjöldum. Á móti er lagt til að fallið verði frá framlögum ríkissjóðs til starfsendurhæfingasjóða á árinu.

Óskert nemur desemberuppbót tæpum 52 þúsund krónum en greiðslan verður aldrei lægri en 12.946 krónur.