Góðar fréttir að fólk fái vinnu

Gissur Pétursson, forstjóri Vinnumálastofnunnar, segist vona að sem flestir sem hafi verið á atvinnuleysisbótum á árinu, fái ekki desemberuppbót frá stofnuninni. Það þýði að þau séu kominn með vinnu.

Ung einstæð tveggja barna móðir sagðist í samtali við Vísi í morgun, ekki fá desemberuppbót frá Vinnumálastofnun því hún væri ný komin með vinnu. Því eigi hún hvorki rétt á uppbót frá stofnuninni né nýjum vinnuveitenda.

Aðspurður hvort margir séu í sömu stöðu og konan sem Vísir ræddi við í morgun, segir Gissur: „Ég þekki það ekki, en vona að þeir séu margir. Það þýðir að þeir hafi allir fengið vinnu.“

„Hún lendir á milli stafns og hurðar, eins og vill gerast þegar svona línur eru dregnar. Það væri mjög flókin framkvæmd að gefa öllum þeim sem hafa verið á bótum á árinu uppbót og svona hefur þetta verið gert undanfarin ár.“

„Góðu fréttirnar eru þær að hún er komin með vinnu og það er það allra besta,“ segir Gissur.