Ákærður fyrir dýraníð

Maður um þrítugt hefur verið ákærður fyrir að reka logandi sígarettu í trýni lögregluhundsins Nökkva. Dv greinir frá þessu.

Vísir sagði frá því í júní að maðurinn sem var ölvaður rak logandi glóð í trýnið á hundinum við félagsheimili á Patreksfirði en Nökkva var mjög brugðið við árásina og var óstarfhæfur um stund. Nökkvi hafði fundið eitthvað af fíkniefnum um kvöldið.

Maðurinn er ákærður fyrir dýraníð, en viðurlögin við því er allt að eins árs fangelsisdómur, tvö ár fyrir stórfelld brot.

Aðalmeðferð fer fram í Héraðsdómi Vestfjarða mánudaginn næstkomandi.

Nökkvi er með bestu fíkniefnahundum landsins en hann kom sá og sigraði á Íslandsmóti fíkniefnahunda í fyrra ásamt hundinum Buster.