Innlent

Fíkniefnum smyglað í fíl

Fanney Birna Jónsdóttir skrifar
Keramikfíllinn leit sakleysislega út en annað kom á daginn þegar pakkinn sem geymdi hann var gegnumlýstur.
Keramikfíllinn leit sakleysislega út en annað kom á daginn þegar pakkinn sem geymdi hann var gegnumlýstur. Mynd/Tollurinn
Tollverðir stöðvuðu nýverið póstsendingu sem komin var hingað til lands og hafði að geyma fíkniefni.

Þegar pakkinn var gegnumlýstur við tollskoðun, sást að hann hafði að geyma styttu af fíl.

Hólf sem greina mátti í styttunni vakti grun um að óhreint mjöl í pokahorninu.

Svo reyndist vera því hólfið hafði að geyma plastpoka sem innihélt nær tíu grömm af hvítu fíkniefni.

Bentu  rannsóknir til þess að um metamfetamín væri að ræða.

Pakkinn, sem sendur var hingað til lands frá Taílandi, var merktur sem gjöf.

Málið var sent lögreglu til rannsóknar.

Tollurinn segir í tilkynningu að þetta dæmi sýni glögglega  að aðferðirnar til að reyna að smygla fíkniefnum inn í landið eru eins margvíslegar og þær eru margar.

Keramikfíllinn leit sakleysislega út.Mynd/Tollurinn

Mest lesið


Fleiri fréttir

Sjá meira


×

Mest lesið