Eminem og Kim Mathers saman á ný?

Eminem og fyrrverandi eiginkona hans, Kim Scott Mathers, hafa grafið stríðsöxina og móðir Mathers heldur jafnvel að parið ætli að taka saman á ný.

Móðir Kim, Kathy Sluck, sagði í samtali við RadarOnline.com að rapparinn heimsfrægi og dóttir sín hittust mjög reglulega og væru i betra sambandi en nokkurn tíma fyrr. Hún segir Eminem enn frekar vera að byggja hús fyrir Kim rétt hjá heimili sínu á Mile Road, í Michigan.

Móðirin sagði Kim jafnframt hafa verið edrú í mörg ár og sagði hana sjá vel um fjölskyldu sína.

Eminem og Kim hittust fyrst þegar þau voru táningar. Þau giftu sig árið 1999 en skildu aðeins tveimur árum síðar, árið 2001. Þau giftu sig síðan aftur 2006, en skildu seinna sama ár. Samband þeirra var stormasamt á köflum, enda litaðist það af eiturlyfjaneyslu og framhjáhaldi.