Innlent

Fjögur óhöpp á Reykjanesi í flughálku

Erla Björg Gunnarsdóttir skrifar
Lögreglustjórinn á Suðurnesjum hafði í nógu að snúast seinnipartinn í dag.
Lögreglustjórinn á Suðurnesjum hafði í nógu að snúast seinnipartinn í dag.
Einn bíll valt og hafnaði utan vegar á Grindavíkurvegi og þrír bílar óku út af Reykjanesbraut á eingöngu einum og hálfum tíma seinnipartinn í dag.

 Klukkan hálf sex missti ökumaður stjórn á bifreið sinni á Grindavíkurvegi, velti bílnum og hafnaði utan vegar. Fjórir voru í bílnum og ekki urðu alvarleg slys á fólki.

 Á næsta einum og hálfum tíma urðu þrír útafakstrar á Reykjanesbrautinni. Þá runnu bílar í hálkunni og höfnuðu utan vegar. 

Samkvæmt Lögreglustjóranum á Suðurnesjum var flughált á svæðinu á þessum tíma en eftir veltuna var farið og Reykjanesbrautin söltuð duglega.

 Eftir að lokið var að salta á svæðinu hefur ekki verið tilkynnt um fleiri óhöpp.

Mest lesið


Fleiri fréttir

Sjá meira


×

Mest lesið