200 milljónir evra til Íslands

Íslendingar hafa fengið um 200 milljónir evra í styrki úr evrópskum áætlunum síðastliðin 20 ár. Styrkurinn hefur farið til fyrirtækja, stofnana, skóla, félagasamtaka og einstaklinga. Í fréttatilkynningu frá Rannís segir að Íslendingar hafi verið virkir og afkastamiklir þátttakendur í evrópskum samstarfsáætlunum.

Uppskeruhátíð Evrópusamvinnu verður haldin í Hafnarhúsinu á morgun, föstudaginn 22. nóvember, á frá klukkan 14 til 18. Þar verða styrkþegar samstarfsáætlana ESB í sviðsljósinu.

Fjölbreytt verkefni verða kynnt á 50 sýningarbásum auk þess verður meðal annars boðið ýmis atriði, meðal annars tónlist, ratleik og spurningamynd um íslensku sauðkindina. Farið verður yfir umfang styrkja sem Íslendingar hafa fengið sl. ár og veittar viðurkenningar fyrir fyrirmyndarverkefni menntaáætlunarinnar.

Hápunktur hátíðarinnar, verður viðurkenningarathöfn þar sem fyrrimyndarverkefni menntáætlunarinnar verða verðlaunuð.  

Hér má sjá kort með yfirliti yfir styrkja á Íslandi 2000 til 2013 eftir svæðum.