Tilkynntu um hnífamann í austurborginni

Lögreglunni á höfuðborgarsvæðinu barst tilkynning frá íbúðarhúsi í austurborginni um klukkan hálf tvö í nótt um að maður væri að reyna að brjóta sér leið inn og væri hann sennilega vopnaður eggvopni.

Lögregla telfdi ekki á tvær hættur og mætti vel búin á vettvang, þar sem maðurinn var handtekinn án þess að nokkur meiddist, og vistaður í fangageymslu.

Ekki kemur fram í skeyti frá lögreglu hvort hann hafi í raun verið vopnaður og ekki er getið um ástæður þessa. Tíu manns gistu fangageymslur lögreglunnar í nótt, þar af fjórir sem óskuðu gistingar og sex sem þarf að yfirheyra í dag vegna ýmissa brota.