Norska þjóðhetjan heimsmeistari

Magnús Carlsen varð í dag nýr heimsmeistari í skák. Hann gerði jafntefli við Inverjann Anand í 10. skákinni, og fór með sigur af hólmi í einvíginu með 6,5 vinning á móti 3,5.

Carlsen er einungis 22 ára gamall.

Carlsen er orðinn þjóðhetja í Noregi og hefur Atli Steinn Guðmundsson, sem er búsettur í Stavanger, fylgst með gangi mála síðustu daga.

Hann er sjálfur enginn sérstakur skákáhugamaður.

„Ég var nú svo sem ekki kominn í heiminn sumarið 1972 en stemmningin hérna er kannski ekkert ósvipuð og þegar Bobby Fischer mætti Boris Spasski í Laugardalnum á því rafmagnaða einvígi og allt Ísland varð hreint og beint mát, að fylgjast með. Þannig er þetta að hellast yfir Noreg sem er gríðarlega merkilegt því þjóð sem hefur algjöra maníu fyrir skíðum og hjólreiðum, hellir sér núna skyndilega yfir skák og liggur yfir þessu einvígi.“