Heimsmeistarinn hélt upp á jafntefli gegn Kasparov á Stjörnutorgi

Magnús Carlsen varð í dag nýr heimsmeistari í skák. Hann gerði jafntefli við Indverjann Anand í 10. skákinni og er því einvíginu lokið með sigri Carlsen en hann fékk sex og hálft stig gegn þremur og hálfum hjá Anand.

Carlsen sem er aðeins 22 ára er orðinn algjör þjóðhetja í Noregi en var hann með pálmann í höndunum í einvíginu síðustu leiki.

Norska undrabarnið bjó í Reykjavík um tíma og lagði meðal annars  Anatoly Karpov af velli þegar hann var aðeins 13 ára. Carlsen gerði síðan jafntefli við Garry Kasparov í sömu ferð en til að halda upp á árangurinn fór hann meðal annars út að borða á Stjörnutorgi í Kringlunni.

Bandaríski sjónvarpsþátturinn 60 mínútur gerði á sínum tíma innslag um þennan magnaða skákmann en hér að neðan má sjá innslagið. Eftir um sjö mínútur birtist drengurinn á Íslandi.